තුන් කාල​

ඩොකියුමන්ට් එකක් ටයිප් කර කර ඉද්දී මට ඒ ලෙවල් කාලේ වෙච්ච සිදුවීමක් මතක් උනා...
මේක උනේ රොටරියෙ එකවුන්ට් ක්ලාස් එකක​...
බුද්ධිමතුන් බිහිවන්නේ පසුපස පේළි වලින් නිසා අපි ඉඳගන්නෙම පිටිපස්සෙම පේළි වල​...
එදා කරේ තියරි පාඩමක්, හදන්න ගණන් නැතුව කම්මැලි කමේ හිටපු හින්දා සර්ට චිට් එකක් යවන්න හිතුනා....
පැත්තක ඉන්න කෙල්ලො දකිද්දි ලියන්න අයිඩියා එකකුත් ආවා...
" සර් ගැහැණු ළමයිට 3¼ කලිසම් ඇඳගෙන පන්ති එන්න අවසර තියෙනවා නම් ඇයි අපිට අවසර නැත්තෙ?? "


සර් ළගට කොලේ ගියා,, ඔන්න දැන් සර් කියවනවා..
ප්‍රශ්නෙ මුලින් කියෙව්වා,, "අහපු ප්‍රශ්නේ නම් වරදක් නෑ, හැබැයි ලියපු කෙනා තුන් කාල ලියලා තියෙන්නේ තුනයි කාල කියලා, එහෙම දිග කලිසම් ඇන්දට නම් කමක් නෑ" කිව්වා...
හෆ්ෆා,, මට විලි ලැජ්ජාවෙ සන්තෝසේ බෑ ඉතින්,, වෙලාවට ළඟ හිටපු උන් විතරයි දන්නේ ලිව්වේ මම කියලා,,, මාත් ඉතින් මුකුත් දන් නෑ වගේ හයියෙන් හිනා වෙවී හිටියා...

( කතාව මීටර් නැති අයට කියන්නේ, තුන් කාල ලියන්නේ මෙන්න මෙහෙම ¾ )

යින් සහ යැන්

ඔබ මේ සලකුන ගැන මොනාද දන්නේ? කුන්(ග්)ෆූ ක්‍රීඩාවේ සලකුනක් කියලා පමණද​?
මේ සලකුන පිටුපස ජීවිතය පිළිබඳ​ ලොකු තේරුමක් තියෙනවා.. ප්‍රධාන වශයෙන් එය සමබරතාවය කියලා හඳුන්වන්න පුලුවන්.

මේ සලකුනේ රූපමය තේරුම පිළිබඳ සැලකුවොත් පිටත කලු රවුමෙන් අදහස් කරන්නේ "සියල්ල​" යන්නයි...
මැද ඇති කලු සහ සුදු කොටස් වලින් ශක්තීන් දෙකක අන්තර් ක්‍රියාකාරීත්වය පෙන්නුම් කරනවා..

කලු කොටස "යින්" ලෙසත්, සුදු කොටස "යැන්" ලෙසත් හැඳින්වෙනවා.. සියල්ල සිදුවීමට හේතුවන්නේ මේ ශක්තීන් දෙක ලෙස සලකනවා.. ඒ වගේම විශේෂ දෙයක් වන්නේ මේ කොටස් සම්පූර්ණයෙන් කලු හෝ සුදු නොවීමයි.. ජීවිතයේ සෑම දෙයක්ම කලු හෝ සුදු නොවන බව මයින් අදහස් කරනවා..
ඒ වගේම මේ ශක්තීන් දෙකට එකකට එකක් නොමැතිව පැවතීමටද නොහැකි බව අදහස් කරනවා..

යින් යන්නෙන් අඳුරු, පසුගාමී, සීතල​, දුර්වල යන්න පිළිඹිබු කරන අතර යැන් යන්නෙන් ආලෝකමත්, ක්‍රියාශීලී, උනුසුම්, ශක්තිමත් යන්න පිළිඹිබු කරනවා.. යින් සහ යැන් දෙකෙහි හැඩයෙන් නොනවතින ක්‍රියාකාරීත්වයක් ඇති බව පෙන්වනවා.. යින් වලින් යැන් වලට හා යැන් වලින් යින් වලට ලෙසින් සියල්ලම සිදුවීමට හේතුවන බව පෙන්වනවා...
සෑමවිටම මේ දෙකෙහි පවතින්නේ එකකට එකක් විරුද්ධ තේරුම්... ජීවිතයේ සෑමවිටම මේ ශක්තීන් දෙක අදාල වනවා..

පිය සෙනෙහස​........